12:45 : Allir að svara í skoðunum

 1.Hver ert þú?

 2. Erum við vinir?

 3. Hvenær hittumst við fyrst og hvernig?

 4. Ertu hrifin/nn af mér?

5. Langar þig að kyssa mig?

6. Láttu mig hafa gælunafn og útskýrðu afhverju þú valdir það.

 7. Lýstu mér í einu orði

. 8. Hvernig leist þér á mig þegar þú sást mig fyrst?

 9. Lýst þér ennþá þannig á mig?

 10. Hvað minnir þig á mig?

 11. Ef þú gætir gefið mér eitthvað hvað myndi það vera?

 12. Hversu vel þekkiru mig?

 13. Hvenær sástu mig síðast?

 14. Hefur þig einhvern tímann langað til að segja mér eitthvað en ekki getað það?

15. Ætlaru að setja þetta á bloggið þitt svo ég geti skrifað um þig?

Jæja fólk!

Þá er ég loksins komin heim.  Hafði það gott og gaman á Írlandi þó að fyrstu dagarnir hafi verið dálítið stressandi og ég eins og skopparakringla í kringum sjálfa mig.  Fór í þvílíka dekurnuddið í gær.  Blanda af hefðbundnu nuddi og nuddi með heitum steinum. *mmmmmmmmmmmmmmm*. 

Fór til tannsa í gær og þjáist enn   Nýi tannsinn minn þurfti nefnilega endilega að taka eftir því að taka eftir því að framtönnin sem ég braut þegar ég var ca 6 ára var farin að dökkna og tók myndir af henni sem leiddu í ljós að í kringum ræturnar var sýking sem er meira en líklega afleiðing af þessum gamla áverka.  Þar sem þetta var eitthvað sem líkaminn réð ekki við ákvað hann bara að loka þetta af í einhverjum poka.  Heyrðist á tannsa að þetta væri bara tímasprengja sem gæti orðið til þess að ég missti tönnina alveg ef ekkert yrði gert. Ég kveið fyrir þessum tíma í marga mánuði þar sem að allt fram yfir hefðbundna skoðun og hreinsun hræðir úr mér líftóruna eftir jaxlaævintýrið þegar ég var 11 ára.  Fyrir þá sem ekki vita þá voru endajaxlarnir í neðri góm teknir í tveimur 2,5 klst aðgerðum með þriggja vikna millibili svo ég næði að jafna mig á milli.  Báðir teknir á föstudegi - ég ónýt þau föstudagskvöldin og hálft andlitið eins og ofvaxinn, marglitur fótbolti í ca viku.  Delightful eh?  Þegar ég hugsa til baka finnst mér ég hafa verið algjör hetja þá... og jafnmikill eymingi núna   Meira segja gamli tannsinn viðurkenndi mörgum árum síðar að þetta hefði verið óþarflega grimmilegt að taka þá svona snemma!  Það var verið að taka þessa jaxla úr jafnöldrum mínum þegar þeir voru 16-18!  Og ekki nóg með það heldur endaði seinni jaxlatakan með ígerð í kinn og til að laga það var skorinn 5 mm skurður í kinnina og lítil slanga látin vera í nokkra daga og plástur yfir svo gröfturinn fyndi leið út.  Í millitíðinni var ég svo búin að vera hjá dr.Frankenstein sem sagði mér eftir allt þetta að ég væri aumingi þegar ég kveinkaði mér á meðan hann var að pota í þetta! *hnuss*  Enn þá vond út í hann þó ég viti ekkert hver hann er!  Nýi tannsinn minn biðst afsökunar í hvert skipti sem hann heldur að hann hafi meitt mig eitthvað (þó það sé óhjákvæmilegt).  En ég er samt hrædd við hann þegar hann er vopnaður töngum og einhverju sem minnir mig helst á hjólsög og allt spýtist og slettist út um allt!  Ok... ég kannski að ýkja pínu... en... það slettist samt hvað sem það var og þetta hljómaði eins og hann væri að saga... líklega að búa sér til göng til að geta borða hel* vírnum upp að rótum og sprautað einhverju sýkladrepandi þarn inn... eða hvað það var sem hann gerði... Það versta var samt bara deyfingin... vont að láta stinga í góminn.  En þegar deyfingin fór að virka var ég dofin upp að nefi og nú finn ég líka til upp að nefi!  Ég á að fara aftur til hans eftir 10 daga.  ÉG VIL FÁ MÖMMU OG BANGSANN MINN!

Er í Shannon á Írlandi þar sem verið er að undirbúa að skila tveimur 737 vélum.  Hér eru allir hlaupandi út og suður, stressaðir og óskipulagðir og hægri höndin veit ekki hvað sú vinstri er að gera, eins og einn félagi minn hér orðaði það.

Fyrir utan óskipulagið eða öllu heldur samskiptaleysið sem virðist ríkja meðal þeirra félaga á neðri hæðinni (sem pirrar mig nett MIKIÐ) þá er þetta bara allt í þessu fína.  Var á hóteli á flugvellinum til að byrja með en er núna á Clarion hótelinu í Limmerick (ekki glæra hvort ég stafaði þetta rétt).  Þessa dagana er lífið bara vinna, sofa og éta óhollt.  Verð hnöttótt örugglega þegar ég kem heim.  Gerði tilraun til að vera eins heilsusamleg og hægt er miðað við aðstæður í gærkvöldi þegar ég pantaði Veggie Delux en þegar ég kom með þetta upp á hótel var bara næstum ekkert grænmeti en alveg fullt af kjöti.  Þegar ég skoðaði síðan miðann á umbúðunum sá ég að stúlkukindin sem varla skilur ensku (pólsk held ég) hafði látið mig fá Panini Standard, sem útskýrir skort á grænmeti og gnægði kjöts í þessari annars sæmilegu samloku.  Er á 13. hæð og með flott útsýni.  Verst að það er alltaf hálfdimmt þegar ég er þar.  Jæja Arbeit macht frei

Æ krúttið hann Doddilíus.  Ljóðunum fjölgar enn og broshrukkunum um leið (ég löglegt hrukkudýr á næsta ár sko er að safna)

Fór í Trafford Center í gær og ætlaði svolis að fylla töskuna (ekki að ég sé með eitthvað gífurlegt pláss samt... ) beit svo í mig að mig langaði í gallabuxur og ætlaði að kaupa þær í GAP þar sem ég fékk þessar líka brilljant buxur í fyrra.  En nei... algengustu stærðirnar í amerísku númerunum voru 0-12. og bresku stærðirnar eru alltaf 4 númerum hærri... þannig að 12 í US er 16 í UK... rugl þetta stærða dæmi... anywho... ég tékkaði á númerinu sem var í buxunum sem ég var í 12 R (R = Regular) og nota bene fíflin eru bara með LONG í US 6,8, &10 sem þýðir að til að passa í LONG buxurnar með síðu skálmunum yrði ég að vera með anorexíu á háu stigi!  Þrátt fyrir að hafa fundið nokkrar buxur í 12 R sem er sama stærð og á buxunum sem ég var í þennan daginn frá þessari sömu búð og sama merki etc þá fannst ekkert sem ég gat með góðu móti komist í.  Eru þessi fífl búin að minnka stærðirnar? Og af hverju fást bara föt á dverga og nýfædd börn?  0 stærðin hlýtur að vera á það og 2, 4, 6 etc hlýtur að vera skylt þeim... *hnuss*

Ætla í Long Tall Sally á eftir og gá hvort þeir eiga eitthvað á manneskju sem á ekki við serious eating-disorder að etja.  Er samt ekki bjartsýn því á þessum hálftíma sem ég komst í þessa búð fyrir nokkrum árum í London þá var allt sem ég mátaði í einhverju númeri sem ég taldi passa... keypti svo nokkrar flíkur sem ég fílaði ekkert sérstaklega vel... ein af þeim var þessi líka flotta skyrta... þegar ég mátaði þá var hún allt of þröng yfir handleggina (gat ekki beygt olnbogana án óeðlilegrar pressu) og hugsaði sem svo að næsta stærð fyrir ofan mundi redda málinu og tók hana án þess að máta.  En nei... hyper þröngar ermar... reyndar fannst mér þær ekkert rýmri en á þeirri sem ég hafði mátað.  En í dag fær Long Tall Sally annan sjens (nei mamma Rita fær aldrei annan! heheh).  Hún er búin að vera í MAN allan tímann sem ég hef verið... en langaði bara ekkert... nú er ég alveg desperato að reyna finna föt í réttum stærðum þannig að ... get líka pantað af netinu ef ég finn mína stærð í LTS   Það verður fjööööör).

and off I gooooooooooooo - bæbb í bili

Við Jórunn skelltum okkur út á lífið í gær í fyrsta skipti í grilljón og 3 daga. Ætluðum að vera þvílíkt snemma á ferðinni en það fór ekki alveg eftir uppskriftinni. Vorum samt nógu snemma til að geta gengið beint inn á Oliver sem er nú afrek út af fyrir sig Byrjuðum á barnum eins og góðum byttum sæmir og Jórunn sagði læknasögur á meðan við sötruðum bjórinn okkar. Allt í einu komu aðvífandi tveir Svíar. Annar var vopnaður myndavél og hinn tróð sér á milli okkar og vildi mynd... ehm... ehm... ??????? Jórunn var ekki lengi að stimpla þá sem Svía því annar þeirra var næstum gegnsær með ljósar lufsur á kollinum og tennurnar svartar af munntóbaki. Kom líka á daginn að hún hafði rétt fyrir sér Sá kom síðan aftur síðar að spjalla við Jórunni og spurði hvað hún geri. Þegar hún sagðist vera læknir byrjaði ballið og hann fór að spyrja út í fæðingarblett sem hann var með. Jórunn ákvað að hefna sín og drekkti honum í svo mikilli læknisfræði að drengurinn var farinn að sjá eftir því að hafa spurt hahahahh! Aldrei að trufla lækni á fylleríi Eins og ballroom skórnir mínir eru æði þegar ég hef nóg pláss til að dansa þá er algjört helvíti að vera í þeim á stað eins og Oliver þar sem dansgólfið er svo troðið að vart er hægt að kalla það sem þar fer fram dans og heilu hrúgurnar af fólki taka sig til og hoppa og baða olnbogum út í allar áttir... úff... þið hafið sé Tomma & Jenna þegar þeir taka sig til og berja hvern annan með sleggjum, hömrum og því um líku og allt stækkar 10falt og blikkar eins og neon skilti... well þannig leið tásugreyjunum mínum í gærkvöldi. Ég þarf að fá mér skó með stáltá og þykkum botni (glerbrot!) fyrir næsta djamm! Elsku Haukur hennar Jórunnar á skilið knúsa og kyssa fyrir allan aksturinn í gær. Ákvað hins vegar að hlífa honum og leyfa Jórunni að sjá um þetta Fór í sturtu þegar ég vaknaði til að ná öskubakkafýlunni af mér. Ekki létt verk! Eftir fyrstu umferð var fnykurinn af lubbanum mínum enn eins og af svæsnum gömlum öskubakka. Oj bara oj bara ullabjakk. Af hverju er ekki löngu búið að banna reykingar með öllu! *grumpf* Annars var þetta bara ágætis kvöld hjá okkur tveimur úr Tungunum Út aftur í morron í síðasta sinn Þau sem ég náði ekki í þesari heimferð.... nægur tími næst

Þú segir það dúll... veðgeiki... hvað kallarðu þá annan 2x daginn í röð? *glott*glott*glott* út í eitt   Verð reyndar að viðurkenna að ég var eiginlega búin á því í kvöld...  Fór að venju með ofurkvendinu Sylvíu yfirspriklara kl 6 í morgun og svo seinni partinn með Jórunnni og Hauki.  Skál fyrir mér fyrir að sofna EKKERT í dag!  Ég og Jórunn ætluðum á kaffishús eftir spriklið... þetta breyttist í imbagláp og pizzuát ásamt Hauki.  Svo keyrðu þessar elskur mig heim.  Held þau hafi hryllt meira en mig við tilhugsunina um að fara heim í strætó í myrkri og kulda.  Hefði alveg farið í strætó (er að komast aftur í gírinn hahah) en var ekkert sérstaklega vel klædd þannig að þegar þau hótuðu að snúa upp á hendina á mér ákvað ég strax að gefast upp leyfa þeim að skutla mér heim   Á eftir að hugsa hlýtt til þeirra vel og lengi fyrir þetta góðverk dagsins

Það er ennþá fólk að koma hingað sem ekkir kvittar... nema þið fastastrumparnir séuð orðnir svona háðir skylduruglinu í mér að þið séuð að athuga oft á dag hvort ég sé búin að bulla meir!  Jú kvitt for mí - æ bull for jú.  Þannig virkar þetta kæru skoff.  Nó kvitt - nó bull! jú sí?  En þökk sé kvitturunum  (hmmm... nokkuð viss um að ákveðið skoff ákveður að mistúlka þetta ) heldur ballið áfram amk til 30.okt.

Alles gute wünscht euch die hauptbüllerin des Jahres.  (hey dúll!  Das solltest du doch versthehen können, oder?)

hmmm svefngalsi????? Afi þinn var RUGLUDALLUR!

Eðalkvitt frá fastagestunum mínum; lenusveppnum, dúllinu og thelmitu.  En hverjir eru hinir ca. 10 ?  *hux*

Ofvirk í dag.  Fór í ræktina með Sylvíu kl 6 í morgun og svo aftur kl. 17.30 með Jórunni.  Jamm mér verður líka illt við tilhugsunina.  Gerði reyndar ekkert í millitíðinni þannig að dugnaðurinn núllast líklega út við það...

knúsur og kyssar til þeirra sem kvitta

Jæja fólk, nú eru loksins komnar nokkrar myndir.  Manchester myndirnar eru frá síðustu helgi - Íran myndirnar frá því í september í fyrra.  Bæti fleiri myndum við síðar.  Fór á frekar sérkennilegt leikrit á föstudaginn... vissi eiginlega ekkert hvað ég var að fara að sjá... bara að einhverjir úr vinnunni voru að fara og reyndar hélt ég að þetta væri bara eitthvað vinnudæmi - en nei það var bara einn í þessu leikriti úr vinnunni.  Vorum svo nokkur sem fórum á Players á Sálarball.  Nokkuð gott kvöld bara   Farið svo að kvitta fyrir komuna - eruð alveg arfaléleg í þessu

Í morgun, eða öllu heldur í nótt því ég var tilbúin fyrir 6 í morgun, sótti Sylvía mig og fór með mig í ræktina!  Jámm þið lásuð rétt... lata ég fór á fætur 5.30 í morgun.  Ekki nóg með það heldur verður þetta endurtekið í fyrramálið. *GEISP*

Tvær skvísur úr Tech.Rec. gömlu/nýju deildinni minni komu í heimsókn í MAN og settu allt á hliðina.  Það var óvenju margt fólk hjá okkur þessa vaktina og þessa síðustu helgi var bara brjálað að gera.  Ég og Guðrún sóttum þær og manninn Guðrúnar, bróður hans og pabba og við fórum öll í risaleigubíl til Wilmslow.  Hóuðum svo í nokkra mekka og hittumst svo út á pöbb og vorum þar til kl 2 um nóttina!  Fórum svo á take-away stað og keyptum pizzur sem við jöppluðum á á leiðinni heim.  Sumir sváfu út en jors trúlí þurfti að vakna ca 4 tímum síðar og fara í vinnuna.  Slapp tiltölulega snemma úr vinnunni og fór með tech.recunum og Guðrúnu í down town Manchester og þar slepptum við Guðrún þeim lausum í búðarápi og fórum sjálfar á næsta kaffihús þar sem við vorum báðar að sálast úr hungri.  Hittum kellurnar svo aftur og röltum í átt að bílnum með stoppi á pöbb í Canal Street.  Fundum svo veitingastað í sömu götu sem við pöntuðum borð hjá til að fara aftur seinna um kvöldið.  Fórum til Wilmslow og hringdum svo í strákana og létum þá hitta okkur á lestarstöðinni og liðið hennar Guðrúnar sem hafði verið á Liverpool - Blackburn leik hitti okkur í bænum.  Við þrömmuðum að veitingastaðnum og fengum svo frábæran mat þar.  Áttuðum okkur á því í lok máltíðarinnar að þetta var ekki bara veitingastaður, heldur breyttist þetta í bar/skemmtistað á kvöldin og fólk var farið að tjútta kringum borðið okkar áður en við náðum að klára að borða.  Við vorum þarna þar til staðnum var lokað og skvísurnar tvær áttu gólfið og alla athyglina.  Hmm... ég skrökva aðeins hérna... tveir guttar sem voru ákveðnir í að ég skyldi vera með á dansgólfinu hvort sem mér líkaði það eða ekki og ekki nóg með að þeir spyrðu mig það oft að ég var farin að garga á þá að láta mig í friði heldur voru þeir búnir að fá tech.recurnar með sér í lið og þær voru ekkert skárri.  Ástæðurnar fyrir því að ég nennti ekki voru tvær:  fannst tónlistin ekkert spes & var í allt of stórum skóm og gólfin klístruð þannig að það var mun auðveldara og skemmtilegra að sitja bara við borðið og skoða mannlífið þar sem við vorum í alræmdu gay-district þar sem allur regnboginn stoppaði við.  Þarna voru klæðskiptingar, straigth & gay fólk og allur aldur... ég sá konur sem gætu verið ömmur mínar á fullu á dansgólfinu! og... svo var einn 15 ára í okkar hópi *hóst*hóst*  Furðufuglarnir tveir og techrecurnar unnu stríðið og ég fór á gólfið með þeim síðustu 10 mínúturnar og svo var staðnum lokað.  Það ætluðu allir heim (úff ég hefði verið löngu farin heim ef ekki fyrir stelpurnar) en þær virtust ekkert vera spenntar fyrir því.  Furðufuglarnir vildu endilega fá okkur öll í partý heima hjá mesta þrjóskupúkanum og stelpurnar vildu fara þangað en voru svo uppteknar af þeim sem þær höfðu dansað mest við að ég stóð eins og illa gerður hlutur og beið eftir ákveðnu já /nei svari sem virtist aldrei ætla að koma.  Svo lögðum við loksins af stað og leituðum að leigubíl.  Stelpurnar þurftu að sjálfsögðu að taka aðra törn í að láta bíða eftir sér og það endaði með því að fylgdarlið Hr. Þrjóskupúka stakk hann af.  Leigubílaleitin gekk ekki betur en svo að það endaði með því að við tókum strætó (sem stelpnum fannst svo hallærislegt að þær hlæja enn að þvi... emm emm...ef þetta kemst frá A til B án nokkurra vandræða hverjum er þá ekki sama????) Enníways...hittum hina furðufuglana aftur og vorum þar í smá tíma.  Svo bara kom að því að ég varð að fara heim!  Lifi það ekki af að vera á einhverju brölti og sofa ekkert áður en ég fer að vinna fyrir utan að það getur verið hættulegt þar sem ég er að keyra inn á flugvellinum þvers og kruss yfir taxi-ways og standa og allt er á fleygiferð þarna.  Hr. Þrjóskupúki hringid á leigubíl og við komum heim rétt fyirr hálf sex.  svaf í 2-3 tíma og fór svo í vinnuna.  Hringdi í stelpurnar og ætlaði að sækja þær en nei... sofa tvo tíma í viðbót frekar en að fá að skoða inn í dolluna eins og þær ætluðu upphaflega að gera.  Þær fengu samt smá rúnt um völlin og að skoða skrifstofuna og lagerinn.  Önnur þeirra er algjört myndafrík.  Hún skildi engan veginn að ég gæti ekki leyft þeim að þramma um standana eins og þeim sýndist eða bara stoppað hvar sem er hvenær sem er til að taka myndir.  Fyrir utan það að það væri mjög óhentugt þá voru þær þarna á gjörsamlega made-up forsendum til að fá passa því öll óþarfa umferð um völlinn er stranglega bönnuð og við í vondum málum ef einhver færi að skipta sér af.  Seinni hluta dagsins fór ég svo með þær í Trafford Center og sleppti þeim lausum þar   Um kvöldið fórum við svo á uppáhalds veitingastaðinn minn í Wilmslow sem heitir Cedars of Lebanon.  Vorum þar ca 10 saman.  Eigandinn kannast við mig þar sem ég hef oft komið þarna og hann kom og spjallaði aðeins við okkur og bauðst svo til að búa til sitt litið af hverju handa öllum og við fengum svo alveg snilldarmat   Ég á eftir að sakna þessa staðar.  Er að spá í að gefa kallinum eitthvað frá Íslandi því hann er búinn að vera alveg frábær og maturinn fullkominn!  Ef þið eruð með einhverjar uppástungur látið þá í ykkur heyra   Við komum ekki heim fyrr en rétt fyrir miðnætti og svo vorum við að spjalla til 2 (*hóst* já... ég þessi sem ætlaði að sofa vel eina nótt...) svaf ca 5-6 tíma og fór svo í vinnuna.  Ætlaði að fara snemma en  eins og alltaf þegar maður þarf á því að halda þá getur maður það ekki.  Kom svo heim um 4 leytið og byrjaði að pakka og þrífa á fullu. Stelpurnar komu svo ca 2 tímum seinna og hjálpuðu mér.  Fórum síðan yfir í húsið sem ég átti að flytja í og gáfnaljósið ég fattaði á leiðinni að ég vissi ekki nákvæmlega hvert ég var að fara.  Hringdi í burger (heitir Birgir... úttlíngur í sem gat ekki sagt nafnið rétt - bar það alltaf fram sem burger og það festist við hann) og hann sagði mér hvar þetta var.  Fórum svo út á flugvöll þar sem við komumst að því að fluginu hafði verið frestað um klukkutíma Við tók heljarinnar ævintýri þar sem báðar stelpurnar voru með allt of mikið af farangri og voru með alls konar dótarí á bannlista í töskunum sínum. Þeim tókst að troða í töskur hjá okkur hinum til að redda því og komust loks í gegn eftir mikið vesen og hlaup út og suður.  Security staffið var alveg í stuði þennan daginn og ekki til að gefa neitt eftir ekki einu sinni 5 mm sem munaði á að ein taskan passaði inn í einhvern mæliramma.  Nei handtaskan hennar þurfti sko að koma úr handfarangurstöskunni og oní mína til þess að passa í ramman og þá mátti hún fara í gegn. Fullt af rugli í þessari senu.  Þetta var þrælskemmtileg helgi... en hún var flest annað en auðveld.  Þrusugott að vera komin heim.  Ætla ekki að gera neitt af viti.  Ein vakt eftir núna.  Hlakka mikið til að koma heim í nóv

Jámm ég á nýja frænku!  "Litli" frændi minn hann Jenni og kærastan hans, Elfa voru að eignast dóttur í síðustu viku *mont*mont*

Fór í bíó um daginn með Birki.  Fórum á The Departed (minnir mig að hún heiti).  Hörkugóð mynd þó hún sé verulega ógeðsleg á köflum.  Þurfti að halda fyrir augun amk helminginn af myndinni!

Er með versta kvef sem ég hef fengið í margar aldir!  Algjört ógeð.  Stöðugt að snýta (nefið fer bráðum að detta af), alltaf hnerrandi og hóstandi út í eitt.+

Ég Birkir, Guðrún (flugmenn) og Stebbi (flugvirki) fórum til Manchester í gærkvöldi á stað sem heitir Panama Hattys, borðuðum þar og löbbuðum okkur svo yfir í (C)anal street sem er hommahverfið.  Fengum hlýjar móttökur þar sem tveir ungir menn föðmuðust og kysstust í gríð og erg við enda götunnar.  Lengra inn í götunni voru svo tvær ungar píur líklega ekki eldri en 15/16 í sama leik.  Var samt frekar líflaust að öðru leiti, enda sunnudagskvöld.

Oj bara oj bara ullabjak *snýt*hnerr*hóst* í grilljónasta veldi

Haldið þið að það sé ekki bara ein svona www.airliners.net/open.file/0943461/M/  hér í MAN núna! Júbb allir sex mótorarnir á sínum staði - ég taldi

Hlæ hlæ hlæ hlæ hlæ!  Hvað getur maður annað en bloggað pínu handa eina þrjóskupúkanum sem nennir enn að skoða blogg sem enginn hefur krotað á mánuðum saman hahahh!  Dúllið mitt ég var bara reka augun í þetta fallega ljóð í gestabókinni áðan    Takk takk

Er búin að gera ýmislegt á klakanum í þessari umferð þó oft hafi það veri meira.  Passaði grísina fyrir söstrið og Biggalíus og skemmti mér konunglega við það um leið og ég náði mér í þetta líka dýrindiskvef   Elfa í þvílíka dugnaðarkastinu og bjó til Rheu-Rúllur eitt kvöldið *namm-namm*  Ég er búin að hitta þó nokkra úr fjölskyldunni en samt ekki nógu marga (Suma hef ég nú bara varla séð frá jólum usususususuusususs) Fór á slappasta djamm í margar aldir, fór í labbitúr í Heiðmörk og búin að þvo ósköp af þvotti og taka til í skápum og kompudrasli.  Úff hvaðan kom eiginlega allt þetta dót?  Ég held það vaxi þarna upp á lofti!  Náði líka að fara í afmælið hennar Elfu   Eiginlega varð.... var  búin að segja að hún YRÐI að baka handa mér

Ég er farin að hlakka svo til að fá mér íbúð á næsta ári að ég er gjörsamlega að fríka út!  Alltaf að pæla í hvernig ég ætla að hafa hitt og þetta og ég er að reyna að plotta dæmið þannig að Shirin og Lenið verði hér á sama tíma á næsta ári svo ég geti látið þær mála myndir og munstur og texta á veggina amk í aukaherberginu   Svo er ég líka að vinna að því leynt og ljóst að sannfæra settið um að það þurfi nýtt af hinu og nýtt af þessu *mwuhahhahahah*  Oh, ef það hefur farið fram hjá einhverjum þá er ég alveg að missa mig í þessum pælingum

Er að fara á Indian Mango með Sylvíu sem ég vann með í Búnó hér í denn ...ótrúlega fljótt að líða!  Hún er hinn rugludallurinn heheh.  Alveg óborganlegur svipur á vinnufélaga okkar einn daginn þegar ég var nýbyrjuð.  Flugu skotin milli okkar Sylvíu alveg hægri vinstri út og suður upp og niður.  Svo lítur félagi okkar til okkar og hélt að næsta skref væri  bara að við myndum stökkva hvor á aðra og gera út af við hvor aðra hi hi hi hi.  Við fórum bara að hlæja þegar við sáum svipinn á karlgarminum heheh.  Við ætluðum á Austur-Indiafjelagið, en ákváðum svo að prófa þennan nýja *hlakki-til*

Jæja Doddi Dúll (og aðrir þrjóskupúkar) þá er þessu lokið í bili.  Út aftur á föstudaginn.  Strax farin að sakna ykkar! Og já... fyrir þá sem vita ekki enn... ég er að flytja heim eftir vaktina í Nóv og þá sitjið þig uppi með mig í LAAAAAAAAAAAAANGAN tíma *mwuahhahahhahah*

Knúsur & kyssar!